Основана во 2014 година, како резултат на потребата за подобрување на условите во центрите за дијализа и дијализниот третман во Р Македонија, Нефроплус обезбедува здравствена грижа за повеќе од 600 пациенти во 10 центри, со повеќе од 80.000 дијализни третмани годишно.

ПЗУ Нефроплус, најсофистицираниот центар за хемодијализа во земјата и регионот, применува најсовремени стандарди и процедури кои се засновани на препораките на највисоките европски и светски водичи за добра клиничка пракса во хемодијализата. Со помош на својот успешен модел на раководење, посветеност и стручност на специјализираниот тим професионалци, Систина Нефроплус на своите пациенти освен подобрување на здравствената состојба, им овозможува и продолжување и подобрување на квалитетот на животот на секој пациент. Нефроплус центрите за дијализа се опремени со најсофистицирана опрема. Во нив за првпат се воведени врвните најефикасни европски и светски модалитети на хемодијализа High FLUX хемодијализа и On Line-HDF хемодијафилтрација. Компанијата, исто така, инвестира и во последна генерација на најсовремена и најефикасна технологија за хемодијализа, апарати CORDIAX 5008 S на производителот Фрезениус Медикал Кеaр, 80 столови и 79 кревети исклучиво за намена – Хемодијализа, како и обнова и набавка на нови системи за обработка на водата (реверзни осмози). Хемодијалнизните третмани се изведуваат исклучиво со ултра чиста вода. Преку своите дијализни центри, ПЗУ Нефроплус е присутна во 10 градови, и тоа во Тетово, Гостивар, Дебар, Струга, Битола, Прилеп, Кавадарци и Велес, а за првпат во нашата држава инвестираше во отворање на уште два нови центри, во Кичево и во Охрид. Центрите на Нефроплус нудат „холидеј-хемодијализа“, додека за првпат во Р Македонија, во дијализниот центар Нефроплус - Охрид се изведуваат и долги ноќни хемодијализни третмани.

Квалитет индикатори и контрола на квалитет

Дијализниот третман кој се нуди во Нефроплус не претставува само опслужување и подобрување на здравствената состојба туку и продолжување на животот на пациентот воедно и подобрување на квалитетот на животот на секој пациент. Како новина која за првпат се воведува во Р Македонија од областа на хемодијализа Систина Нефроплус за осигурените лица со хронична бубрежна инсуфиенција, воспостави политика на квалитет со цел подобрување и унапредување на квалитетот на услугите со создавање подобри услови за вршење дијализа. Контролата на адекватноста и успешноста на хемодијализниот третман се извршува преку квалитет индикатори согласно европските протоколи за добра медицинска грижа за хемодијализа, EBPG (European Best Practice Guidelines). За таа цел компанијата изготви повеќе од 300 процедури, протоколи и упатства за стандардизација на процесите за правилно водење како на дијализен третман така и воопшто на дијализните центри.